धनगढी । धनगढी उप-महानगरपालिकाले यस वर्षको आधारभूत तह परीक्षा (BLE) को नतिजाका आधारमा मयूर बोर्डिङ हाई स्कूललाई “उत्कृष्ट विद्यालय” का रूपमा सम्मान गरेको छ। उक्त सम्मानसँगै विद्यालय परिवारमा खुसी र गौरवको वातावरण छाएको छ।
विद्यालयले हासिल गरेको यो उपलब्धि केवल उत्कृष्ट नतिजामा सीमित नभई विद्यार्थीहरूको अथक मेहनत, शिक्षकहरूको समर्पण र अभिभावकहरूको विश्वासको समष्टिगत प्रतिफल भएको विद्यालयले जनाएको छ। यसले विद्यालयको शैक्षिक गुणस्तर, अनुशासन तथा उत्कृष्टताप्रतिको निरन्तर प्रयासलाई समेत उजागर गरेको छ।
विद्यालय प्रशासनले यस उपलब्धिलाई आगामी दिनमा अझ उत्कृष्ट शैक्षिक वातावरण निर्माण गर्ने प्रेरणाका रूपमा लिएको जनाएको छ। साथै, यस उपलब्धिका लागि सम्पूर्ण शिक्षक, विद्यार्थी तथा अभिभावकलाई हार्दिक बधाई दिँदै उज्ज्वल भविष्यको कामना व्यक्त गरिएको छ।
विद्यालयले सम्मानका लागि धनगढी उप-महानगरपालिका परिवारप्रति धन्यवाद ज्ञापन गर्दै आगामी दिनमा पनि गुणस्तरीय शिक्षा प्रदान गर्न प्रतिबद्ध रहेको जनाएको छ।