धनगढी । धनगढी उप महानगरपालिका वडा नम्बर–१३ राजपुरमा रहेको सिर्जनशिल विद्या निकेतको तेश्रो बार्षिकोत्सव तथा अभिभावक दिवस सम्पन्न भएको छ ।
सोमबार विद्यालयका सञ्चालक समिति अध्यक्ष तिर्थराज ओझाको अध्यक्षतामा सम्पन्न भएको बार्षिकोत्सव कार्यक्रममा सुदूरपश्चिम प्रदेशका स्वास्थ्य निर्देशक डा. खगेन्द्र वम प्रमुख अतिथी रहेका थिए । बार्षिकोत्सव कार्यक्रमाका अवसरमा सिर्जनशिल विद्या निकेतनले विद्यालयमा उत्कृष्ठ विद्यार्थी, अभिभावक तथा शिक्षक, शिक्षिकालाई सम्मान गरेको छ ।
कक्षाका उत्कृष्ठ विद्यार्थी तथा विभिन्न अतिरिक्त कृयाकलापमा उत्कृष्ठ भएका विद्यार्थीलाई बार्षिकोत्सव कार्याक्रमका अवसरमा सममन गरिएको थियो । त्यसैगरी
शिक्षक यज्ञराज पाण्डेय, संगिता विक, वविता जोशी र विद्यालयमा लामो समय काम गर्ने शिक्षिका जानकी श्रेष्ठ तथा नियमित विद्यालयमा उपस्थित हुने शिक्षिका देवकी पन्तलाई बार्षिकोत्सवका अवसरमा सम्मान गरिएको हो ।
बार्षिकोत्सव कार्यक्रमका अवसरमा हास्य कलाकार निशान परियार (पाडे)को उत्कृष्ठ प्रस्तुती रहेको थियो । विद्यालयका संस्थापक खडकराज ओझाले आगामी शैक्षिक शत्र देखि नयाँ योजनाका साथ शैक्षिक गतिविधि सञ्चालन गर्ने तयारी रहेको बताए ।